21 İyun 2026

Ədliyyə Nazirliyinin Tibb baş idarəsində həkim və tibb işçiləri üçün vakansiyalar açıqlandı!

Ədliyyə Nazirliyinin Tibb baş idarəsi həkim-mütəxəssislər və tibb işçilərinin qulluğa qəbulu ilə bağlı yeni müsabiqə elan edib. Müsabiqə Tibb baş idarəsi və onun tabeliyində fəaliyyət göstərən qurumlarda mövcud olan rəhbər və işçi heyəti üzrə vakant vəzifələri əhatə edir.

Hansı vakansiyalar üzrə qəbul aparılır?

Müsabiqə çərçivəsində aşağıdakı istiqamətlər üzrə namizədlərin müraciətləri qəbul olunur:

Həkim (baza ali təhsilli)
Həkim-terapevt
Həkim-nevroloq
Həkim-psixiatr
Həkim-kardioloq
Həkim-infeksionist
Həkim-otorinolarinqoloq
Həkim-dermatoveneroloq
Həkim-cərrah
Həkim-anestezioloq
Həkim-reanimatoloq
Həkim-pulmonoloq
Həkim-oftalmoloq
Həkim-ginekoloq
Həkim-rentgenoloq və texnik
USM mütəxəssisi
Feldşer
Tibb bacısı/qardaşı

Müsabiqədə kimlər iştirak edə bilər?

Qulluğa qəbul prosesi “Ədliyyə orqanlarına qulluğa qəbul olunmaq üçün namizədlərlə müsabiqənin və müsahibənin keçirilməsi Qaydaları”na əsasən müsahibə yolu ilə həyata keçiriləcək.

Müsabiqədə ali və orta tibb təhsilinə malik Azərbaycan Respublikasının vətəndaşları iştirak edə bilərlər. Namizədlər həmçinin “Ədliyyə orqanlarında qulluq keçmə haqqında” Azərbaycan Respublikası Qanununda nəzərdə tutulan tələblərə uyğun olmalıdırlar.

Müraciət qaydası

Namizədlər ərizə formasını dolduraraq 15 iyul 2026-cı il tarixinədək müraciət edə bilərlər.

Müraciətlər aşağıdakı formada qəbul olunur:

E-poçt vasitəsilə: [email protected]
Kağız daşıyıcıda: Bakı şəhəri, Akim Abbasov küçəsi 86, Ədliyyə Nazirliyinin Tibb baş idarəsi

Kağız formada müraciətlər iş günləri və iş saatları ərzində təqdim edilməlidir.

Seçim prosesi necə aparılacaq?

Müraciət edən namizədlərin sənədləri və qanunvericiliyə uyğunluğu yoxlanılacaq. Ədliyyə orqanlarında işləməsinə mane olan hallar aşkar edilməyən şəxslər müsahibə mərhələsinə dəvət olunacaqlar.

Müsahibədən uğurla keçən namizədlərin müvafiq vakant vəzifələrə təyinatı məsələsinə Tibb baş idarəsinin təqdimatı əsasında baxılacaq.