Work.az İstifadəçi Razılaşması

Ümumi şərtlər

1. Bu İstifadəçi Razılaşması Work.az platformasından istifadə qaydalarını və şərtlərini müəyyən edir.

2. Work.az – internet şəbəkəsində yerləşən karyera və vakansiya platformasıdır. Platforma işəgötürənlərin vakansiya yerləşdirməsi, namizədlərin CV paylaşması və istifadəçilərin karyera ilə bağlı xidmətlərdən istifadə etməsi üçün yaradılmışdır.

3. Platformadan istifadə edən hər bir şəxs bu Razılaşmanın şərtlərini qəbul etmiş hesab olunur.

4. Work.az Administrasiyası platformanın idarə olunması, texniki dəstəyi və xidmətlərin göstərilməsini həyata keçirir.

5. İstifadəçi – Work.az saytında qeydiyyatdan keçmiş və ya qeydiyyatsız şəkildə platformadan istifadə edən fiziki və ya hüquqi şəxsdir.

6. Şəxsi kabinet – istifadəçinin Work.az platformasında yaratdığı və şəxsi məlumatlarını, CV-lərini, vakansiyalarını və digər parametrlərini idarə etdiyi bölmədir.

Platformadan istifadə qaydaları

1. Work.az istifadəçilərə aşağıdakı xidmətləri təqdim edir:

• Elan (vakansiya, tədir, tapşırıq, xidmət) yerləşdirmə

• CV yerləşdirmə və paylaşma

• kurs və karyera inkişafı xidmətləri

• tədbir və karyera imkanlarının paylaşılması

2. Work.az platforması istifadəçilər arasında bağlanan əmək və ya xidmət müqavilələrinin tərəfi deyil və bu müqavilələrə görə məsuliyyət daşımır.

3. İstifadəçi yerləşdirdiyi bütün məlumatların doğru və aktual olmasına görə məsuliyyət daşıyır.

4. Vakansiya və ya digər elan yerləşdirən istifadəçi aşağıdakıları təmin etməlidir:

• elan qanunvericiliyə uyğun olmalıdır

• diskriminasiya xarakterli ifadələr olmamalıdır

• iş şərtləri və əmək haqqı barədə yanlış məlumat verilməməlidir

5. Work.az Administrasiyası aşağıdakı hallarda elanları silmək və ya redaktə etmək hüququna malikdir:

• yanlış və ya aldadıcı məlumat yerləşdirildikdə

• qanunvericiliyə zidd məzmun olduqda

• istifadə qaydaları pozulduqda

Qadağan olunan məzmun və fəaliyyət

Work.az platformasında aşağıdakı fəaliyyətlər qadağandır:

• saxta və ya aldadıcı vakansiyalar yerləşdirmək

• işə düzəltmə məqsədi ilə istifadəçidən ödəniş tələb etmək

• spam və ya reklam xarakterli məzmun paylaşmaq

• başqa istifadəçilərin şəxsi məlumatlarını icazəsiz istifadə etmək

• platformanın texniki işinə müdaxilə etmək

• avtomatlaşdırılmış proqramlar və botlar vasitəsilə məlumat toplamaq

İstifadəçi tərəfindən yerləşdirilən məlumatlar aşağıdakı xüsusiyyətlərə malik olmamalıdır:

• təhqir və böhtan

• qanunsuz fəaliyyətə çağırış

• ekstremizm və nifrət çağırışları

• pornoqrafik və ya etik normalara zidd məzmun

Pullu xidmətlər

Work.az platformasında əlavə pullu xidmətlər təqdim edilə bilər, o cümlədən:

• elan (vakansiya,tədbir, tapşırıq, xidmət) yerləşdirilməsi, 

• elanı premium etmək,

• CV hazırlamaq,

• kurs almaq,

• reklam və banner xidmətləri

• kurs və karyera xidmətləri

Xidmətlərin qiymətləri platformanın müvafiq bölmələrində göstərilir.

Ödəniş edilmiş xidmətlər istifadəçi tərəfindən qaydaların pozulması səbəbilə silinərsə, ödəniş geri qaytarılmaya bilər.

Kommunikasiya və bildirişlər

Work.az istifadəçilərə aşağıdakı kanallar vasitəsilə bildiriş göndərə bilər:

• e-mail

• SMS

• platforma daxilində bildirişlər

Bu bildirişlər aşağıdakı məlumatları əhatə edə bilər:

• yeni vakansiyalar

• karyera xəbərləri

• platforma yenilikləri

• reklam və marketinq mesajları

İstifadəçi istədiyi zaman bildirişləri deaktiv edə bilər.

Məsuliyyətin məhdudlaşdırılması

1. Work.az platforması istifadəçilərə vakansiya və karyera imkanlarını paylaşmaq üçün texnoloji alət təqdim edir.

2. Platforma aşağıdakılara görə məsuliyyət daşımır:

• vakansiya məlumatlarının doğruluğu

• işə qəbul prosesinin nəticəsi

• istifadəçilər arasında bağlanan müqavilələr

3. Work.az istifadəçilər tərəfindən yerləşdirilən məzmunu əvvəlcədən yoxlamaq öhdəliyi daşımır.

4. İstifadəçilər platformadan istifadə zamanı öz risklərini qəbul etmiş sayılır.

Hesabların bloklanması

Work.az aşağıdakı hallarda istifadəçi hesabını bloklaya və ya məhdudlaşdıra bilər:

• istifadə qaydalarının pozulması

• saxta məlumatların yerləşdirilməsi

• spam fəaliyyətləri

• digər istifadəçilərin hüquqlarının pozulması

Razılaşmanın dəyişdirilməsi

Work.az Administrasiyası bu Razılaşmanı istənilən vaxt dəyişdirmək hüququna malikdir.

Yeni dəyişikliklər saytın müvafiq səhifəsində dərc edildiyi andan qüvvəyə minir.