Mühasib olmaq üçün nə lazımdır? Mühasib maaşları 2025-ci ildə necədir?

Mühasibatlıq bu gün yalnız rəqəmlərdən ibarət bir sahə deyil. Genişlənən bizneslər, rəqəmsallaşma və vergi qanunvericiliyindəki dəyişikliklər mühasibləri daha strateji və analitik düşünən peşəkarlar halına gətirir.

Bəs 2025-ci ildə mühasib olmaq istəyən biri haradan başlamalıdır?

1. Bilik bazası - Nəyi bilməlisiniz?

▫️Maliyyə uçotu prinsipləri
▫️Vergi qanunvericiliyi və elektron vergi sistemləri
▫️Bank və kassa əməliyyatları, əməkhaqqı uçotu
▫️Excel və Power BI kimi texnoloji bacarıqlar

Ən önəmlisi: bütün bu biliklər real mühasibatlıq proqramlarında - 1C, Logo, SAP və s. üzərində tətbiq olunmalıdır.

2. Praktiki bacarıq - İşəgötürənin sizdən gözlədiyi

Bugünkü əmək bazarında sertifikat və diplomdan daha çox praktik bilik dəyərləndirilir.

Mühasibatlıqda bu o deməkdir ki, siz:

▫️Siz mühasibat uçotunu düzgün qurmalısınız
▫️Siz vergi uçotunu düzgün qurmalısınız
▫️Siz gündəlik əməliyyatları bütünlükdə ələ almalısınız və yaranan hər boşluğu idarə edə bilmək potensialınız olmalıdır.

Yəni, “oxumuşam” deyil, “etmişəm” deməlisiniz.

3. Davamlı inkişaf - Mühasibin yol xəritəsi

Başlanğıc səviyyədən aparıcı mühasibə keçmək üçün orta hesabla 2-4 il tələb olunur.
Bu illər ərzində mütəmadi öyrənməyə və yeniliklərə açıq olmağınız vacibdir.

2025-də mühasib yalnız hesabat verən deyil, dəyərləndirmə edən və qərar verən bir mövqeyə sahibdir.

4. Bəs maaş necədir?

2025-ci ildə mühasib maaşları belə dəyişir:
▫️ Yeni başlayan: 500-700 AZN
▫️ Təcrübəli: 800-1500 AZN
▫️ Baş mühasib: 2000+ AZN
▫️ Auditor və ya konsaltinq mütəxəssisi: daha da yüksək

Qeyd: Bu maaşlar real bacarıqlar, ixtisaslaşma sahəsi və şirkətin ölçüsünə görə dəyişir.

Mühasib olmaq sabit və etibarlı karyera seçimidir. Amma bu sabitlik heç də asanlıqla qazanmır. Bu sahəyə gələnlərdən biri olaraq deyə bilərəm ki:

“Əgər bu sahəni sevirsinizsə və sistemli şəkildə öyrənirsinizsə, qısa zamanda nəticə almaq mümkündür.”