04 Sen 2025 | Marketinq
Qadınlar üçün evdə iş imkanı - 10 gəlirli seçim!
Günün əksər hissəsini evdə keçirirsiniz, ev işləri, uşaq baxım və digər qayğılarla məşğul olursunuz. Ancaq bütün bunlarla yanaşı evdən çalışaraq pul qazanmaq arzusundasınız? Ekrana yaxın əyləşin! Bu yazımızda sizə məhz qadınlar üçün hazırlanmış evdə işləmə imkanlarını təqdim edirik.
Xüsusi bilik və bacarıq tələb etməyən 5 iş imkanı!
Müasir dünyada evdən işləmək anlayışı getdikcə daha çox insanın həyatına daxil olur. Xüsusilə qadınlar üçün bu, həm ailəyə vaxt ayırmaq, həm də əlavə gəlir qazanmaq baxımından əvəzolunmaz fürsətdir. Artıq ofisə getmədən, sadəcə internet və kompüter vasitəsilə gəlir əldə etmək mümkündür. Üstəlik, bəzi işlər xüsusi bilik və ya təcrübə tələb etmir.
Gəlin, qadınların evdən rahatlıqla görə biləcəyi və müstəqil şəkildə qazanc əldə edə biləcəyi 5 əsas onlayn iş imkanına nəzər salaq.
1. Deşifrə (Transkripsiya) 🎧
Deşifrə işi dedikdə audio və ya video faylları dinləyib onları yazıya çevirmək nəzərdə tutulur. Burada əsas bacarıqlar diqqətlə dinləmək və dəqiq yazmaqdır. Bu işə ən çox müsahibələr, dərs qeydləri və ya podkastlar üçün ehtiyac olur.
🔎 Necə tapmaq olar?
Freelancer saytları (Upwork, Fiverr, Freelancer və s.)
Azərbaycan dilində iş elan saytlarında “deşifrə” və ya “transkripsiya” açar sözləri ilə axtarış.
Work.az platformasında “İstifadəçi” kimi qeydiyyatdan keçərək, öz “Xidmət”inizi təklif edə bilərsiniz.
2. Home agent (Onlayn müştəri xidmətləri) ☎️
“Home agent” evdən şirkətlərin müştəri xidmətlərini idarə edən şəxsdir. Telefon zənglərinə cavab vermək, mesajlara yazmaq və müştəriləri düzgün istiqamətləndirmək əsas işlərdəndir.
🔎 Necə tapmaq olar?
Bank və mağaza şəbəkələrinin saytlarında “müştəri xidmətləri operatoru” vakansiyalarına baxa bilərsiniz.
LinkedIn və Work.az kimi iş elan saytlarında “remote customer service” və ya “onlayn operator” açar sözləri ilə axtarış edin.
3. Sanal asistan (Virtual köməkçi) 👩💻
Virtual köməkçi olmaq üçün xüsusi bilik lazım deyil. Sadəcə gündəlik işləri idarə etmək, yəni e-poçtlara cavab vermək, görüşləri təqvimə salmaq, sosial media paylaşımlarını hazırlamaq kifayətdir. Ən böyük üstünlüyü vaxtınızı özünüz idarə edirsiniz.
🔎 Necə tapmaq olar?
Fiverr, Upwork, PeoplePerHour saytlarında “Virtual Assistant” bölməsinə baxa bilərsiniz.
Kiçik biznes sahiblərinə sosial şəbəkələrdə birbaşa yaza və köməkçi xidməti təklif edə bilərsiniz.
Work.az platformasında “İstifadəçi” kimi qeydiyyatdan keçərək, öz “Xidmət”inizi təklif edə bilərsiniz.
4. Onlayn anketçi 📊
Bu ən sadə işlərdən biridir. Şirkətlər müştərilərin fikirlərini öyrənmək üçün sorğular keçirir. Siz isə sadəcə anketlərə cavab verərək əlavə gəlir və ya bonus qazana bilərsiniz.
🔎 Necə tapmaq olar?
Toluna, Swagbucks, ySense kimi beynəlxalq sorğu saytlarında qeydiyyatdan keçmək olar.
Azərbaycanda bəzən marketinq şirkətləri sosial şəbəkələrdə sorğu iştirakçıları axtarır. Bu “Vakansiyalar” ilə veb-saytımızda tanış ola bilərsiniz.
5. Məlumatların və kontentin daxil edilməsi ⌨️
Bu işdə əsas məqsəd məlumatları bazaya yazmaq və ya sayta yerləşdirməkdir. Məsələn, məhsulların təsviri və qiymətini onlayn mağazaya əlavə etmək, mətnləri redaktə edib yükləmək bu sahəyə daxildir.
🔎 Necə tapmaq olar?
İş elan saytlarında “data entry” və ya “kontent meneceri köməkçisi” vakansiyalarını izləyin.
Freelancer platformalarında “Data Entry” bölməsinə baxın.
Evdə işləmək istəyən qadınlara: 5 peşəkar seçim!
Bu dəfə isə bilik və bacarıqlarınızı evdən çıxmadan necə pula çevirə biləcəyiniz haqqında məlumat verəcəyik. Bu işlər sayəsində həm zövq alacaq, həm də qazanc əldə edəcəksiniz.
✍️ Qələmin gücün var? Onu pula çevir, Freelancer yazıçı ol!
Əgər yazmaqdan zövq alırsınızsa, bu sahə sizin üçün həm yaradıcılıq, həm də gəlir mənbəyinə çevrilə bilər. Blog yazıları, vebsayt mətnləri, məhsul təsvirləri, məqalələr, hətta elektron kitablar – bütün bunlar frilanser yazarların gündəlik işinə daxildir. Yaxşı yazı bacarığınız və düzgün dil bilikləriniz varsa, şirkətlər, fərdi sahibkarlar və ya sayt sahibləri sizinlə əməkdaşlıq etməkdə maraqlı olacaqlar. Redaktə işi isə yazılmış mətnləri imla, dil qaydaları və axıcılıq baxımından yoxlamaqdan ibarətdir. Bu sahənin ən böyük üstünlüyü odur ki, tamamilə sərbəstdir, istədiyiniz yerdə, istədiyiniz vaxt işləyə bilərsiniz. İş tapmaq üçün Upwork, Fiverr, Freelancer, Work.az kimi platformalarda qeydiyyatdan keçmək və ya sosial şəbəkələrdə xidmətlərinizi tanıtmaq kifayətdir.
🎓 Biliklərini paylaş, Onlayn dərslərlə qazan!
Əgər hər hansı bir sahədə bilik və təcrübəniz varsa, bu, başqalarına fayda verməklə yanaşı, sizin üçün də gəlir mənbəyi ola bilər. Riyaziyyat, xarici dil, musiqi, rəsm, yoga, hətta yemək bişirmə kimi sahələrdə onlayn dərslər təşkil edə bilərsiniz. Dərs saatlarını öz imkanlarınıza uyğun müəyyənləşdirmək imkanı isə bu işi daha da cəlbedici edir. Xüsusilə məktəbli uşaqlara dəstək, imtahana hazırlıq və ya böyüklərə hobi öyrətmək bu gün çox tələbat görən istiqamətlərdir. Zoom və Teams kimi platformalardan istifadə edə bilər, sosial şəbəkələrdə elan verərək tələbələrə rahatlıqla çata bilərsiniz.
🧵 Əl işlərin masada qalmasın! Onları satışa çıxar, öz brendini qur!
Əl qabiliyyətiniz varsa, bu bacarığı gəlirə çevirmək olduqca asandır. Hörgü, tikiş, zərgərlik məmulatları, sabun və şam düzəltmək, rəsmlər və ya dekorativ əşyalar hazırlamaq – bütün bunlar bazarda maraq doğuran məhsullardır. Özünüzə məxsus üslubda, keyfiyyətli və orijinal məhsullar hazırladıqda, Instagram, Lalafo kimi platformalarda satışa çıxara bilərsiniz. Bu işin gözəlliyi ondadır ki, məhsulları öz vaxtınıza uyğun hazırlayır, paketləyir və satırsınız. Qazanc isə həm məhsulun keyfiyyətindən, həm də təqdimetmə bacarığınızdan asılıdır.
🍰 Mətbəxdə möcüzə yaradırsan? Ev yeməkləri və ya salatlar hazırlamaq bacarığınızı pula çevirin!
Mətbəxdə bacarıqlı olmaq sadəcə ailəni sevindirməklə bitmir, həm də gəlir gətirə bilər. Əgər dadlı yeməklər, şirniyyatlar və ya xüsusi günlər üçün tort və qəlyanaltılar hazırlamağı sevirsinizsə, yaxın ətrafınızdan başlayaraq sifarişlər qəbul edə bilərsiniz. Ad günləri, iclaslar və kiçik tədbirlər üçün evdə hazırlanmış yeməklərə tələbat hər zaman var. Əsas məsələ gigiyenaya diqqət yetirmək və vaxtında çatdırmaqdır. Sosial şəbəkələrdə elanlar paylaşmaqla və dost-tanış arasında söz yaymaqla müştəri bazası qurmaq mümkündür. Bəlkə də qısa müddətə öz Ketrinq şirkətinizi quracaqsınız!
📱 Telefonla vaxt keçirirsən? Sosial media idarə edərək qazanc əldə et!
Bugün kiçik bizneslərin çoxu sosial şəbəkələrdə aktiv olmaq istəyir, lakin vaxt və bilik çatışmazlığından çətinlik çəkirlər. Əgər Instagram, Facebook və TikTok platformalarında təcrübəniz varsa, bu bacarığınızı gəlir mənbəyinə çevirmək mümkündür. Məzmun hazırlamaq, paylaşımları planlamaq, izləyicilərlə ünsiyyət qurmaq və səhifənin aktivliyini artırmaq sizin əsas vəzifəniz olacaq. Bu işin də üstünlüyü ondadır ki, tamamilə onlayn və sərbəst qrafiklə icra olunur. İş tapmaq üçün iş elan saytlarında “SMM menecer” vakansiyalarını izləmək və ya birbaşa kiçik sahibkarlarla əlaqə saxlamaq kifayətdir.
👩👧 Uşaq və yaşlılara dəstək göstər!
Əgər mehriban, səbirli və insanlarla ünsiyyətcilisinizsə, uşaq baxımı və yaşlılara dəstək xidməti sizin üçün uyğun sahə ola bilər. Bu iş həm faydalı, həm də gəlirlidir, çünki insanlar uşaqlarına və ya valideynlərinə güvənli əllərdə qayğı göstərilməsini istəyirlər. Siz öz evinizdə və ya sifarişçinin evində, uyğun saatlarda xidmət göstərə bilərsiniz. Qonşular, tanışlar və ya sosial qruplarda elan paylaşmaqla asanlıqla müştəri tapa bilərsiniz.
Evdən işləmək niyə ev xanımları üçün ideal seçimdir? 🌸
Evdən işləmək qadınların ən çox üstünlük verdiyi sahələrdən biridir. Xüsusən də pandemiya dövründə bu model əvvəl zərurətdən yaransa da, sonradan rahatlıq və faydaları ilə daha çox rəğbət qazandı.
Bu modelin ən böyük üstünlüyü azadlıq və vaxt məhdudiyyətinin olmamasıdır. İş gününüzə nə vaxt başlamaq, nə vaxt fasilə vermək və nə vaxt tamamlamaq, bütün bunları siz müəyyənləşdirirsiniz. Bu isə uşaqların dərs saatlarına, ev işlərinin ritminə və şəxsi ehtiyaclarınıza uyğun bir iş qrafiki yaratmaq imkanı verir.
Üstəlik, evdən işləyərkən yol çəkmək dərdiniz qalmır. İşə gedib-gəlmək üçün sərf etdiyiniz saatlar özünüzə qalır, nəqliyyat xərcləriniz aradan qalxır. Hətta gündəlik yemək və digər xırda xərclər də xeyli azalır.
Evdə işləməyin başqa bir üstünlüyü isə rahat mühitdə olmaqdır. Öz evinizin sakitliyində işləmək həm stressi azaldır, həm də iş və şəxsi həyat arasında tarazlığı qorumağı asanlaşdırır. Digər bir üstünlük isə evdən işləmək bəzən insanın özündə gizli qalan bacarıqları üzə çıxarır. Bəlkə də fərqində olmadığınız yaradıcılığınızı, təşkilatçılıq qabiliyyətinizi və ya yazı bacarığınızı bu prosesdə kəşf edə, onları gəlirə çevirməyə başlayırsınız.
