"Google"un bu funksiyası saytların trafikini kəskin azaldır

#SEO mütəxəssislərinin daha bir düşməni: #Google AI Overviews

Google axtarış sisteminə əlavə olunan AI Overviews, istifadəçiyə qısa cavab verir və çox vaxt insanlar həmin cavabla kifayətlənibx başqa saytlara keçmir.

Araşdırmalara görə:
📉 Saytlara klik sayı 15%-dən 8%-ə düşüb.
📊 Verilən mənbə linklərinə klik edənlər isə cəmi 1% təşkil edir.
📈 Əsas kliklər isə daha çox #Wikipedia, #Reddit və #YouTube kimi böyük saytlara yönəlir.

Bu o deməkdir ki, xəbər saytları, bloqlar və kiçik biznes saytları Google'ddan əvvəlki qədər trafik ala bilmir.

Təcrübəmə əsaslanaraq deyə bilərəm ki, bu dəyişiklik ənənəvi SEO yanaşmalarını yenidən düşünməyi tələb edir. Klassik “trafik gətirən açar sözlər” strategiyası artıq təkbaşına kifayət etmir.

Yeni dövrün tələbləri bunlardır:
✅ Sayt strukturlarını Google-un AI alqoritmləri üçün daha da “anlaşılır” hala gətirmək
✅ Kontentdə faktiki və mənbəli məlumatlara üstünlük vermək,
✅ Brend axtarışlarını artırmaq – çünki artıq istifadəçilər konkret sayt adı yazmadan, ümumi suallarla cavab axtarırlar,
✅ Diversifikasiya edilmiş trafik mənbələri qurmaq – sosial media, email marketing və tətbiqlərdən daxil olan trafik daha önəmli rol oynamağa başlayır.

AI Overviews funksiyası istifadəçi təcrübəsini artırsa da, saytlar və kontent yaradıcıları üçün trafik itkisi, məlumatın yayılması üzərində nəzarətin azalması və SEO effektivliyinin zəifləməsi kimi ciddi problemlər yaradır. Bu isə onu göstərir ki, marketoloqlar Google-un artıq yalnız bir platforma deyil, həm də bir məzmun istehsalçısı olduğunu qəbul etməli və buna uyğun adaptasiya planları qurmalıdırlar.