Google Discover nədir və SEO üçün niyə vacibdir?

Google Discover - Google mobil tətbiqində 'home page'də 'search bar'dan aşağıda yer alan şəxsi məzmun lentidir.

Bu hissədə istifadəçinin maraqlarına, axtarış tarixçəsinə, izlədiyi mövzulara və Google alqoritmlərinin proqnozlarına əsaslanaraq avtomatik olaraq xəbərlər, məqalələr, videolar və bloq yazıları göstərilir.

Yəni qısaca desək, Google Discover = İnstagram Feed.

Hər kəsin Discover lentində fərqli məzmun çıxır. Məsələn, kim futbolu çox izləyirsə, ona futbol xəbərləri göstərilir. İstifadəçi maraqlı mövzuları seçib "Follow" düyməsi ilə əlavə edə bilər (məsələn, “elektrik avtomobillər” və ya “rəqəmsal marketinq”).

Saytların məqalələri və xəbərləri Google Discover'də çıxarsa, onlar çox yüksək oxunma və klik sayı əldə edə bilir. Hazırda Discover'də görünən saytlar gündəlik yüz minlərlə trafik alan saytlardır və aralarında güclü rəqabət var.

Google Discover'də məqalələrin görünməsi təsadüfi deyil, müəyyən qaydalar və optimallaşdırma üsulları var.