CV nədir? 

CV (Curriculum Vitae) — bir insanın təhsilini, iş təcrübəsini, bacarıqlarını, sertifikatlarını və peşəkar nailiyyətlərini göstərən rəsmi sənəddir. CV işə müraciət zamanı işəgötürənə təqdim olunur və namizədin kim olduğunu, nələri bildiyini və hansı sahədə təcrübəyə malik olduğunu qısa və aydın şəkildə izah edir. Başqa sözlə, CV — sənin peşəkar vizitkartandır.

CV özündə həm faktiki məlumatı, həm də namizədin bacarıqlarını nümayiş etdirən strukturlaşdırılmış bir təqdimat formasıdır. Məhz buna görə CV hazırlamaq iş tapma prosesinin ən vacib addımlarından biridir.

CV nə üçün lazımdır?

CV işəgötürənə ilk təəssürat yaradan sənəddir. Bir işə müraciət edəndə rəhbər və ya HR mütəxəssisi sənin haqqında qərarı məhz CV-yə əsaslanaraq verir. CV nə qədər səliqəli və düzgün yazılmış olarsa, müsahibəyə dəvət alma ehtimalın bir o qədər yüksək olur. İşəgötürən CV-yə baxaraq sənin:

• Təcrübənə
• Təhsilinə
• Bacarıqlarına
• şəxsi keyfiyyətlərinə
• uyğunluğuna

dəyər verir və qərar qəbul edir.

CV-də nələr olmalıdır?

Peşəkar CV adətən aşağıdakı bölmələri əhatə edir:

• Şəxsi məlumatlar
• Əlaqə məlumatı
• Təhsil
• İş təcrübəsi
• Bacarıqlar
• Sertifikatlar və kurslar
• Layihələr
• Xarici dillər
• Əlavə məlumatlar

Bu bölmələr işəgötürənin senz haqqında ən vacib informasiyanı qısa zamanda oxuyub dəyərləndirməsini təmin edir.

CV və Resume arasında fərq nədir?

Çox adam bu iki anlayışı qarışdırır. Fərq isə belədir:

CV – daha detallı sənəddir, akademik və geniş təcrübə üçün uyğun olur.
Resume – daha qısa və konkret sənəddir, əsasən ABŞ və Avropada istifadə olunur.

Azərbaycanda standart sənəd CV adlanır və daha geniş məlumatı özündə ehtiva edir.

CV neçə səhifə olmalıdır?

İdeal CV:

Yeni başlayanlar üçün – 1 səhifə
Təcrübəli mütəxəssislər üçün – 2 səhifə

Bundan artıq səhifə işəgötürənin diqqətini yayındıra bilər.

CV necə yazılır və nədən başlamalı?

İnsanların ən çox axtardığı mövzulardan biri CV necə yazılır nümunə mövzusudur. Çünki CV yazmaq sadəcə məlumat toplamaq deyil, onları düzgün ardıcıllıqla təqdim etməkdir. Peşəkar CV-də məlumatlar kompakt şəkildə, lakin aydın və məqsədəuyğun yazılmalıdır. İlk olaraq başlıq, ad-soyad və əlaqə məlumatları qeyd edilir. Ardınca iş təcrübəsi, təhsil, bacarıqlar və əlavə məlumatlar yazılır. Bu struktur həm oxunuşu rahat edir, həm də işəgötürənə sən haqqında dəqiq məlumat verir.

CV forması necə olmalıdır?

CV hazırlayarkən ən vacib məsələlərdən biri də düzgün CV forması seçimidir. Hər sahənin özünə uyğun CV tərzi olur. Məsələn, dizaynerlər daha yaradıcı vizual CV seçə bilər, amma bank və ya dövlət qurumuna müraciət edənlər üçün daha klassik və rəsmi CV forması uyğun sayılır. Əsas qayda: forma səliqəli, oxunaqlı və professional olmalıdır.

Elektron CV necə yazılır və nəyi nəzərə almaq lazımdır?

Bu gün bir çox şirkət müraciətləri online qəbul etdiyi üçün Elektron CV necə yazılır mövzusu da çox aktualdır. Elektron CV-də yazı ölçüsü, formatlama, linklər, PDF strukturu xüsusi önəm daşıyır. Məlumatları eyni sənəddə düzgün hizalamaq, foto əlavə etmək, PDF şəklində göndərmək və sənədi bütün cihazlarda açılan formatda saxlamaq əsas qaydalardandır. Elektron CV həm də səhvsiz və vizual cəhətdən səliqəli olmalıdır.

Telefonda CV hazırlamaq mümkündürmü?

Əlbəttə! Bu gün mobil proqramlar və saytlar sayəsində Telefonda CV hazırlamaq çox rahat və sürətlidir. Mobil cihazlarda hazır şablonlardan istifadə etmək, məlumatları tez redaktə etmək və PDF-indirmək mümkündür. Telefonla CV yaratmaq xüsusilə vaxt azlığı yaşayanlar üçün ən ideal üsuldur. Sadəcə strukturun pozulmamasına, səhvlərin olmamasına və şablonun professional görünüşünə diqqət yetirmək kifayətdir.

CV haqqında bölməsi necə yazılmalıdır?

Bir çox insan özünü tanıtmaqda çətinlik çəkir, amma CV haqqında bölməsi düzgün yazıldıqda sənə çox böyük üstünlük qazandırır. Bu bölmədə məqsədin, güclü tərəflərin, bacarıqların və karyera planın qısa şəkildə təsvir edilməlidir. Burada uzun-uzadı mətn yazmağa ehtiyac yoxdur. Əsas odur ki, işəgötürən sənin kim olduğunu 2–3 cümləyə əsasən anlaya bilsin.

CV nümunələri niyə önəmlidir?

Bəzən hansı strukturu seçəcəyini bilmək çətin ola bilər. Bu halda CV nümunələri çox kömək edir. Hazır nümunələr həm forma, həm dizayn, həm də məzmun baxımından hansı modeli seçməli olduğunu göstərir. Lakin unutma ki, CV nümunələri sadəcə istinad üçündür — sənə aid olmayan məlumatları əlavə etmək olmaz. Öz CV-n sənin şəxsiyyətini və təcrübəni əks etdirməlidir.

CV yarat prosesində hansı səhvlərə yol verilir?

Bir çox insan CV yazarkən eyni səhvləri təkrarlayır. Buna görə CV yarat prosesində aşağıdakı məsləhətlərə əməl etmək faydalıdır:
➤ Çox uzun cümlələrdən qaç
➤ Yazı qaydalarına diqqət et
➤ Real olmayan məlumat yazma
➤ PDF formatı ilə göndər
➤ Hər iş üçün CV-ni uyğunlaşdır

Bu qaydalar həm klassik CV forması, həm də elektron CV üçün keçərlidir

CV-ni harada və necə hazırlamaq olar?

İstər telefonda, istər kompüterdə CV hazırlamaq bu gün çox asandır. CV generatorları sənə hazır CV forması verir və yalnız məlumatları doldurmaq qalır. Azərbaycan dilində CV hazırlamaq istəyənlər üçün yerli platformalar xüsusilə uyğundur.

Work.az – ən rahat CV hazırlama platforması!

Work.az-da CV hazırlamaq istifadəçilərə həm sürətli, həm də səliqəli CV yaratmaq imkanı verir. Platformanın üstünlükləri:

1. Mobil və kompüter üçün tam uyğun interfeys
2. Hazır CV forması
3. CV-ni PDF kimi yükləmək imkanı
4. Azərbaycan dilində CV hazırlamaq
5. Vakansiyalara bir kliklə müraciət etmə

CV yaratmaq üçün keçid: https://www.work.az/cv

Work.az sayəsində telefonda CV hazırlamaq, elektron CV necə yazılır, CV yarat, CV forması seçmək və hətta CV necə yazılır nümunə tapmaq çox rahatdır.