Belə bank saytı olar? Hanı kredit, kartlar, pul köçürmələri, ipoteka?

Belə bank saytı olar? Hanı kredit, kartlar, pul köçürmələri, ipoteka?

Bu Britaniya bankı Monzonun marketinq strategiyasıdır.

Bankın marketinq komandası 4 əsas məqsəd uğrunda fəaliyyət göstərməlidir:

1. Güvən yaratmaq
2. Müştəri loyallığını artırmaq
3. Rəqiblərdən aydın fərqlənmək
4. Rəqəmsal kanallarda güclü vizual yaratmaq

Bu məqsədlərə çatmaq üçün zərgər dəqiqliyi ilə strategiya qurulmalıdır:

1. Hər seqment üçün müvafiq məhsul təklifləri və fərdi yanaşmalar hazırlamaq: gənclər, kiçik biznes, yüksək gəlirli fərdlər, kənd təsərrüfatı müştəriləri və s.
2. Sadə dil, şəffaf şərtlər ilə güvən; müştəri rəyləri, media çıxışları, tanınmış simalarla əməkdaşlıqlar ilə etibar; krizis anlarında düzgün kommunikasiya ilə isə sevgi yaratmaq: Pandemiya vaxtı kredit ödənişlərinin dondurulması
3. Omnikanal strategiya ilə müştəri bank filialları, mobil tətbiq, internet bankçılıq, sosial media və zəng mərkəzi ilə kommunikasiya zamanı eyni təcrübəni yaşamlıdır.
4. Rəqəmsal marketinq, kontent və SEO-dan əlavə olaraq, sadəcə faizlə deyil, dəyər ilə fərqlənmək: mobil tətbiqin sürəti, müştəri xidməti, loyallıq proqramları. Rahatlıq və vaxta qənaət hər bir insanın arzuladığı nüanslardır.

🌍 Dünya banklarının özünəməxsus marketinq həlləri

Monzo (Böyük Britaniya):
✅ Hesabdan tutulacaq komissiyalar müştəriyə əvvəlcədən xəbər verilir.
✅ Yeni xüsusiyyətləri istifadəçilərlə birgə test edir.
✅ Sosial mediada çox aktivdir və cavan dil istifadə edir.

DBS Bank (Sinqapur) – “Digital to the core” yanaşması ilə “Bizim də tətbiqimiz var” səviyyəsindən daha irəli gedərək:
✅ Bütün proseslər avtomatlaşdırılıb
✅ Qərarlar məlumat və texnologiya əsasında verilir
✅ Müştəri təcrübəsi və daxili iş axını tam rəqəmsal sistemlərlə idarə olunur
“Live more, bank less” – yəni, müştəri bankda vaxt itirməsin, həyatını yaşasın.

Azərbaycanda da banklar rəqəmsallaşma yarışındadır, amma fərqlənmək üçün dəyər əsaslı, müştəriyönlü strategiya görmək olmur.