Tibb bacısı

144 baxış

📍 XXI Əsr Beynəlxalq Təhsil və İnnovasiya Mərkəzi

Təsvir

Bütün yeni şagirdlər üçün “Şagird sağlamlıq forması”nın doldurulmasını təmin etməli və şagird Mərkəzdə təhsil aldığı illər ərzində “Şagird qovluğu”nda saxlanılmalı və təhsil bitdikdə müvafiq qaydada arxivləşdirilməli;
Dərs saatında müvafiq akademik direktor müavinin icazəsi ilə Tibb məntəqəsinə gələn təhsilalanlara tibbi xidmət göstərməli, ehtiyac olduqda dərman və ya tibbi vasitələri təmin etməli və müvafiq qeydiyyat aparmalı;
Davamlı olaraq dərmanlardan istifadə edən şagirdlərin müvafiq şəraitdə saxlanılan dərmanlarını pediatrın məlumatı daxilində lazım gəldikdə istifadə etməsini təmin etməli və sağlamlıq vəziyyətinə əsasən bədən tərbiyəsi dərslərindən azad olunma arayışlarının toplanmasını təşkil etməli;
Həftəlik olaraq tibb məntəqəsindən istifadə edən işçi və təhsilalanların qeydiyyatını aparmalı, təhsilalanların və işçilərin qanunvericiliyə uyğun olaraq tibbi müayinələrdən vaxtında keçməsini təmin etməli və qeydiyyatları aparmalı;
Səhiyyə Nazirliyinin tələblərinə əsasən şagirdlər arasında sağlamlıq yoxlamaları üçün siyahılar hazırlamalı, “Razılıq vərəqəsi” əsasında yoxlamaların aparılmasına və nəticələrin “Şagird sağlamlıq forması”nda qeydiyyatına nəzarət etməli;
Yıxılma, toqquşma, sınıq, qızdırma, allergiya, qan təzyiqi kimi təcili hallarda valideyni məlumatlandırmalı, ilk tibbi yardım göstərməli və şagirdi müşahidə altında saxlamalı;
Şagirdin və ya işçinin təcili yardım maşını ilə köçürülməsi lazım olduğu hallarda Təcili Yardıma məlumat verməli, əməkdaşlara vəziyyət barədə ətraflı məlumat təqdim etməli;
İbtidai təhsil üzrə şagirdlərin boy və çəkisinin ölçülməsini və məlumatların “Şagird sağlamlıq forması”nda qeyd edilməsini təmin etməli;
Gündəlik olaraq Mərkəzin binalarına daxil olan şagirdlərin ilkin sağlamlıq müayinəsini (temperatur, fiziki müayinə) həyata keçirməli və mərkəzdənkənar fəaliyyətlər zamanı şagirdlərin sağlamlığına nəzarət etməli;
Mərkəzdə gigiyena qaydalarına riayət edilməsinə və xüsusi qidalanma ehtiyacı olan şagirdlərin fərdi qidalanmasının düzgün təşkilinə nəzarət etməli;
Yeni işçilərin sağlamlıq sənədlərini qəbul etməli, qeydiyyat kitabçası açmalı və dövrü qeydləri aparmalı;
Fəaliyyət sahəsinə uyğun olaraq Mərkəzi təmsil etməli, daxili və xarici müştəri məmnuniyyətini nəzərə alaraq fəaliyyətini təşkil etməli və sanitar-gigiyenik maarifləndirmə işlərini həyata keçirməli;
İlkin yardım və profilaktik tədbirləri səmərəli şəkildə icra etməli, qida blokunun sanitar-gigiyena vəziyyətinə nəzarət etməli və fəaliyyətlə bağlı qeydiyyat və sənədləşmə işlərini düzgün aparmalı;
Dövrü hesabatlar hazırlamalı, lazımi Fərdi Mühafizə Vasitələrindən istifadə etməli və əməyin mühafizəsi qaydalarına əməl etməli;
SƏTƏM üzrə mütəxəssisin göstərişlərini icra etməli və nasazlıq vəya çatışmazlıqlar aşkar edildikdə onların aradan qaldırılmasını təmin etməlidir.

Tələblər

Ən az 1 il iş təcrübəsinə sahib olmalı;
Tibb sahəsi üzrə subbakalavr və ya peşə ixtisas təhsili olmalı;
Əmək, ailə qanunvericiliyini, səhiyyə sahəsinə aid qanunvericilik aktlarını;
Gigiyenanın əsaslarını, uşaqların həyatının qorunması və onların səhhətinin möhkəmləndirilməsi işini;
Əməyin mühafizəsi, təhlükəsizlik texnikası, sanitar-gigiyena və yanğından mühafizə norma və qaydalarını;
Uşaqlara göstərilən ilkin təcili tibbi yardımın, dərman yardımının müayinə prinsiplərini;
Sanitar-profilaktika qaydalarını;
MS Office proqramlarını;
Ünsiyyət bacarıqları;
Məsuliyyət və dürüstlük;
Səbirlilik;
Problem həll etmə;
Planlaşdırma və təşkil etmə;
Ədalətlilik;
Zamanı səmərəli idarə edəbilmə;
Fiziki səy;
Təcili tibbi yardım göstərməkdə bilik və bacarıq.
Əməkdaşlıq;
Texnoloji alət və avadanlıqlardan səmərəli istifadə edə bilmək.