Azərbaycan Hava Yolları QSC-nin fəaliyyətində uçuş heyətinin və müvafiq xidmət standartlarının davamlı təmin olunması məqsədilə “Təyyarə Bələdçisi” vəzifəsi üzrə seçimlərə başlanılmışdır.

Müraciət edən namizədlər dəyərləndirilərkən hava gəmisində mövcud uçuş heyətinin tərkibi və struktur balansı nəzərə alınacaq.

VƏZİFƏ ÖHDƏLİKLƏRİ

•  Sərnişinlərin və heyətin təhlükəsizliyini təmin etmək, fövqəladə hallarda təlimata uyğun tədbirlər görmək;

•  Sərnişinlərə təhlükəsizlik qaydaları barədə dəqiq və aydın təlimatlar vermək, lazımi hallarda vizual və praktiki nümayişlər keçirmək;

• Təhlükəsizlik qaydalarına riayət olunmasına nəzarət etmək və zərurət yarandıqda ilkin tibbi yardım göstərmək;

•  Məişət və mətbəx avadanlıqlarının texniki hazırlığını yoxlamaq və onların düzgün istifadəsini təmin etmək;

• Uçuş zamanı sərnişinlərin davranış qaydalarına əməl etməsinə nəzarət etmək;

• Hava gəmisində sərnişinləri nəzakətli şəkildə qarşılamaq və minik talonlarına uyğun şəkildə yerlərə yerləşdirmək;

• Sərnişin baqajının, yükün və poçtun düzgün yüklənməsinə nəzarət etmək;

• Uçuş zamanı sərnişinlərə beynəlxalq xidmət standartlarına uyğun şəkildə xidmət göstərmək;

• Xüsusi ehtiyacı olan sərnişinlərə (uşaqlar, yaşlılar, əlilliyi olan şəxslər və s.) fərdi diqqət və dəstək göstərmək;

• Şikayət və narazılıqları peşəkar şəkildə dinləmək, uyğun həll yolları təklif etmək və müştəri məmnuniyyətini təmin etmək.

• Azərbaycan Respublikasının vətəndaşı olmaq;

• Təcrübəsiz namizədlər üçün 20-35 yaşadək; uyğun təcrübəyə malik namizədlər üçün maksimum 45 yaş

• Xanım namizədlər üçün minimum 160 sm, bəy namizədlər üçün minimum 170 sm boya malik olmaq;

• Minimum tam orta təhsil;

• Azərbaycan dili – səlis danışıq və yazı bacarığı;

• İngilis dili – minimum orta səviyyə (fikirləri sərbəst ifadə etmək bacarığı);

• IELTS, TOEFL və digər beynəlxalq dil sertifikatlarının mövcudluğu üstünlük təşkil edir;

• Rus, Alman, Fransız və digər beynəlxalq dillər üzrə biliklər əlavə üstünlükdür;

• Müştəri yönümlü xidmət anlayışı və mədəniyyəti;

• Yüksək ünsiyyət və komanda ilə işləmə bacarığı;

• Stresə davamlılıq və problemləri tez həll etmə bacarığı.

ƏLAVƏ QEYDLƏR

• Təyyarə Bələdçisi vəzifəsi xüsusi xidməti geyimdən istifadəni tələb edən vəzifədir. Bu vəzifəni icra edən əməkdaşlar korporativ geyim standartlarına riayət etməlidirlər;

• Vəzifənin xarakteri müxtəlif insanlarla daim ünsiyyətdə olmağı tələb etdiyindən, namizədlərin görünən bədən hissələrində döymə, piercing və digər xüsusi nişanların olması yolverilməzdir.

SEÇİM MƏRHƏLƏLƏRİ

• CV-lərin ilkin tələblərə uyğunluğunun yoxlanılması;

• Telefon müsahibəsi (CV-də göstərilən məlumatların dəqiqləşdirilməsi və dil bacarıqlarının ilkin qiymətləndirilməsi);

• Əsas müsahibə mərhələləri (İnsan Resursları nümayəndəsi və peşəkar psixoloqun iştirakı ilə. Daha sonra funksional rəhbərliklə);

• Fiziki göstəricilərin yoxlanılması (boy, çəki, görünüş və s.);

• Xarici dil biliklərinin qiymətləndirilməsi;

• Tibbi müayinə (yerli və beynəlxalq aviasiya tələblərinə uyğun olaraq);

• İşə qəbul və müvafiq hazırlıq təlimlərinin təşkili.

XÜSUSİ QEYD

Hal-hazırda təhsil alan namizədlər nəzərə alınmayacaqdır. Bu vəzifə tam məşğulluq və uçuş cədvəllərinə uyğun çevik iş rejimi tələb etdiyindən, yalnız iş rejiminə və vəzifə öhdəliklərinə tam uyğun namizədlərin müraciətləri dəyərləndiriləcəkdir.