"Suraxanı" Gəmi-Muzeyi Təcrübə Proqramı

"Azərbaycan Xəzər Dəniz Gəmiçiliyi" QSC-nin (ASCO) "Suraxanı" gəmi-muzeyi (@suraxanigemimuzeyi) və "Gənc Könüllülər" İctimai Birliyinin könüllülük sahəsində tərəfdaşlığı haqqında imzalanan memoranduma əsasən Gənc Könüllülərin Tanker - muzeydə 3 aylıq təcrübə proqramı həyata keçiriləcək.

Bu təcrübə proqramının əsas məqsədi gənclərin maarifləndirilməsi, vaxtlarının səmərəli təşkil edilməsi və praktiki bacarıqlarının inkişaf etdirilməsidir.

Proqram çərçivəsində Gənc Könüllülər mütəmadi olaraq muzeyə səfər edən qonaqların qarşılanması, onlara bələdçilik və tərcümə xidmətlərinin göstərilməsi üzrə fəaliyyət göstərəcəklər. Həmçinin könüllülər yerli və beynəlxalq layihələrdə iştirak edəcəklər.