CV göndərirəm amma cavab gəlmir

CV peşəkar deyilsə, bu artıq siqnaldır

Bəzən bir CV-ni oxumağa cəmi 10 saniyə kifayət edir ki, HR onun peşəkar tərtib olunmadığını dərhal hiss etsin.
Söhbət təkcə qrammatik səhvlərdən getmir — struktursuzluq, məqsədsiz məlumatlar və özünü təqdimetmədə qeyri-ciddilik də eyni dərəcədə mənfi siqnaldır.

Belə CV-lər adətən bu xüsusiyyətləri daşıyır 

• Ünvan və ailə vəziyyəti kimi artıq məlumatlar
• Vəzifə adlarının və tarixlərin qarışıqlığı
• Qısa, məqsədsiz cümlələr (“özümü inkişaf etdirmək istəyirəm”)
• Dizayn və formatlama baxımından səliqəsizlik

HR baxımından bu nə deməkdir?

HR belə CV-ni gördükdə aşağıdakı nəticələrə gəlir:

1. Namizəd məlumat toplamadan, yəni əmək bazarında qəbul olunan CV standartlarını öyrənmədən sənəd hazırlayıb.
2. Peşəkar məsləhət almayıb, çünki düzgün struktur, vurğular və nəticə yönümlü ifadələr yoxdur.
3. Özünü inkişaf etdirməyə yanaşması passivdir, çünki bazarda yüzlərlə düzgün nümunə varkən, namizəd araşdırma aparmayıb.
4. Müsahibəyə də eyni hazırlıqsızlıqla gələcək. CV – onun düşüncə və yanaşma tərzinin güzgüsüdür.

Nə etmək lazımdır?

Peşəkar olmayan CV problem deyil — amma onu elə saxlamaq problemə çevrilir.

Namizədlər üçün istiqamət budur 

1. Təhlil et, araşdır, uyğunlaşdır.
   CV-nin məqsədi sənə aid hər şeyi yazmaq deyil — işəgötürənin axtardığı şeyləri göstərməkdir.
2. Peşəkar məsləhət al.
   HR və ya karyera məsləhətçisi sənin CV-ni baxış bucağını dəyişəcək. Hər peşəkar CV arxasında bir strategiya var.
3. Səliqə, struktur, nəticə.
   CV-də vizual balans, aydın ardıcıllıq və konkret nailiyyətlər mütləq olmalıdır. Məsələn:
   • “Satışda işlədim” əvəzinə
     “6 ay ərzində tapşırıq planını 130% yerinə yetirdim.”
4. Müsahibəyə hazırlıq da buradan başlayır.
   CV-ni düzgün hazırlamaq, sənin öz iş təcrübəni analiz etmək bacarığını artırır.
   Bu da deməkdir ki, sən artıq müsahibədə özünü daha inamla təqdim edə biləcəksən.

CV sadəcə sənəd deyil, sənin işə münasibətinin göstəricisidir.
Bir CV-dəki hər səhv, bəzən müsahibəyə heç çağırılmamağın səbəbidir.
Əgər sən bu mərhələdə diqqətlisənsə — deməli, işdə də diqqətli olacaqsan.