Təhsil və Təlim üzrə Koordinator

📍Sofcons.cz Komandamıza yeni üzv axtarırıq — Təhsil və Təlim üzrə Koordinator! 📣 
Təhsil və təlim proseslərinin koordinasiyasında rol almaq, dinamik mühitdə çalışmaq və peşəkar inkişaf imkanlarından yararlanmaq istəyirsinizsə, sizi komandamıza qoşulmağa dəvət edirik.
 

Vəzifə öhdəlikləri:

• Təlim proqramlarının hazırlanması və təşkilati proseslərin koordinasiya edilməsi;
• Yeni təlimçilərin axtarışı, qiymətləndirilməsi və təlim prosesinə cəlb olunması;
• Təlimçi namizədləri üçün demo-dərs, təqdimat, master-klass və workshopların təşkili;
• Müvafiq sahələr üzrə tanınmış mütəxəssislərlə əlaqələrin qurulması və tədbirlərin keçirilməsi;
• Təlim cədvəllərinin hazırlanması, dərs günləri və saatlarının təlimçilərlə razılaşdırılması;
• Təlimçilər, iştirakçılar və korporativ müştərilərlə gündəlik kommunikasiyanın aparılması;
• Təlim qruplarının formalaşdırılması, qeydiyyatın və iştirakçı məlumatlarının bazaya daxil edilməsi;
• İştirakçılara dərs cədvəli, ünvan, onlayn keçid və digər zəruri məlumatların təqdim olunması;
• Tədris materiallarının hazırlanmasına və vaxtında paylaşılmasına nəzarət edilməsi;
• Əyani və onlayn təlimlərin təşkilati və texniki təminatının həyata keçirilməsi;
• Davamiyyətin, imtahan nəticələrinin və iştirakçı rəylərinin qeydə alınması və ümumiləşdirilməsi;
• Sertifikatların hazırlanması, yoxlanılması və təqdim edilməsinin təşkili;
• Sosial media, telefon, elektron poçt və digər kanallardan daxil olan müraciətlərin operativ cavablandırılması;
• Korporativ təlim sifarişləri üzrə ilkin məlumatların toplanması və aidiyyəti əməkdaşlara ötürülməsi;
• Təlim proqramları, iştirakçılar, ödənişlər və nəticələr üzrə hesabatların hazırlanması;
• Təlim mərkəzinin gündəlik fəaliyyətindən irəli gələn digər təşkilati işlərin yerinə yetirilməsi.
 

Namizədə tələblər:

• Ali təhsil;
• Təlim, təhsil, layihələrin koordinasiyası, müştəri xidmətləri, satınalma, təchizat prosesləri və ya inzibati sahədə iş təcrübəsi arzuolunandır;
• Azərbaycan dilində səlis şifahi və yazılı ünsiyyət bacarığı;
• İngilis dili və rus dili biliyi üstünlükdür;
• MS Office proqramlarında işləmək bacarığı;
• Güclü təşkilatçılıq və koordinasiya bacarığı;
• Eyni vaxtda bir neçə işi planlaşdırmaq və icra etmək bacarığı;
• Məsuliyyətli, diqqətli və nəticəyönümlü olmaq;
• İnsanlarla düzgün və nəzakətli kommunikasiya qurmaq bacarığı;
• Komandada işləmək və yaranan məsələlərə operativ yanaşmaq bacarığı.
 

İş şəraiti:

• İş qrafiki: Tam ştat (09:00-18:00)
• İş yeri: Caspian Plaza
• Peşəkar və inkişafyönümlü iş mühiti;
• Təlim və təhsil sahəsində praktiki təcrübə qazanmaq imkanı;
• Müxtəlif təlimçilər, iştirakçılar və korporativ şirkətlərlə işləmək imkanı;
• Əməkhaqqı namizədin bilik və təcrübəsinə uyğun olaraq müsahibə əsasında müəyyən ediləcək.

📩 Maraqlanan namizədlər CV-lərini, "Təhsil və Təlim üzrə Koordinator" başlığı altında [email protected] elektron poçt ünvanına göndərə bilərlər.