Tədarük departamentinin direktoru

“Tədarük departamentinin direktoru” vakansiyası üzrə işçi axtarışı elan edilir!

Vəzifə öhdəlikləri:

 • Müəssisənin tədarük və satınalma strategiyasının hazırlanmasına və icrasına rəhbərlik etmək;
• Tədarük zəncirinin fasiləsiz və səmərəli fəaliyyətinin təmin olunmasını təşkil etmək;
• Təchizatçılarla əməkdaşlıq strategiyasını formalaşdırmaq və müqavilə danışıqlarını idarə etmək;
• Tədarük xərclərinin optimallaşdırılması və resurslardan səmərəli istifadənin təmin edilməsi üzrə tədbirlər həyata keçirmək;
• Məhsul ehtiyaclarının proqnozlaşdırılması və planlaşdırılması məqsədilə data analizləri aparmaq;
• Meyvə-tərəvəz və kənd təsərrüfatı məhsullarının tədarük proseslərinin effektiv idarə olunmasını təmin etmək;
• Tədarük fəaliyyətinin nəticələri üzrə hesabatların hazırlanmasını və təhlilini həyata keçirmək;
• Risklərin qiymətləndirilməsi və alternativ tədarük mənbələrinin müəyyənləşdirilməsini təmin etmək.

Tələblər:

• İqtisadiyyat, logistika, təchizat zənciri idarəetməsi və ya əlaqəli sahələr üzrə ali təhsil;
• Tədarük və satınalma sahəsində minimum 5 il iş təcrübəsi;
• Rəhbər vəzifədə minimum 3 il təcrübə;
• Kənd təsərrüfatı və meyvə-tərəvəz məhsullarının tədarükü sahəsində təcrübə;
• Planlama, proqnozlaşdırma və data analizi bacarıqları;
• ERP və satınalma sistemləri ilə işləmə təcrübəsi;
• Güclü danışıqlar aparmaq və liderlik bacarıqları;
• Azərbaycan dilində sərbəst, ingilis dilində işgüzar səviyyədə bilik.

İş rejimi:

• 5 günlük iş qrafiki;
• İş saatı 09:00-18:00.

Qeyd: CV-lərinizi mövzu hissəsində “Tədarük departamentinin direktoru” yazaraq qeyd edilən elektron poçt ünvanına göndərin. ([email protected] )

Şirkətimizə qoşulun, yeni uğurlara imza atın!