İpoteka və Kredit Zəmanət Fondu və Sahibkarlığın İnkişafı Fondu Kredit Əməliyyatları şöbəsinin təcrübəçisi

📍Yapı Kredi Bank

İş funksiyasıyaları:

• Bakalavr və ya magist tələbələri;
• Ünsiyyətqurma bacarığı (Fondlarla əməkdaşlıq çərçivəsində işçilər bankı təmsil edir);
• Səlis Azərbaycan dili (rus və ingilis dilini bilənlərə üstünlük verilir);
• Bank sahəsində ipoteka kreditləşməsi və SİF kreditləri sahəsində təcrübəsi olanlara üstünlük verilməsi;
• Ms Office proqramında işləyə bilmək bacarığı;
• EİKZS, İKES proqramlarında işləyə bilənlərə üstünlük verilməsi.

Öhdəliklər:

• Elektron İpoteka Portalı vasitəsilə banka müraciət edən müştərilərin Elektron İpoteka Sistemində (EİS) kredit işinin yaradılması;
• Borcalanın ilkin qiymətləndirilməsi mərhələsində təqdim edilən sənədlərin kontrolu;
• İpoteka predmetinin qiymətləndirilməsi haqqında məlumatların Qiymətləndirici şirkət tərəfindən EİS-də kredit işinə əlavə edilməsinə nəzarət etmək və nəticələrini yoxlamaq.
• KÖ/G və K/İ əmsallarının hesablanması və bu əmsalların AİF tərəfindən qoyulan max. hədd tələbinə riayət olunmasına nəzarət;
• Kreditin anderraytinqi prosesində AİF-in Qaydalarına uyğun formaların EİS üzərindən hazırlanması, müvafiq bölmələrə göndərilməsi;
• Kredit, ipoteka (alqı-satqı) müqavilələri və ödəniş qrafikini EİS-dən ixrac edərək rəsmiləşdirmə üçün müvafiq şöbəyə göndərmək, kredit işinə aid sənədlərin surətlərini EİS-ə əlavə etmək;
• Kreditlərin sistemdə yığılması, komissiyaların alınması,
• Alqı-satqı prosesinin, borcalanın adına yeni çıxarışın və yüklülük çıxarışının alınması üzrə işlərin təqib edilməsi;
• Əmlak və Həyat/fərdi qəza sığortaları üzrə məlumatların sığorta şirkətləri tərəfindən EİS-də kredit işinə əlavə edilməsinə nəzarət etmək;
• Müştərilərə verilmiş ipoteka kreditlərinin AİF tərəfindən maliyyələşdirilməsi üçün İlkin maliyyələşmə (İM) və ya Yenidən maliyyələşmə (YM) barədə Bankın müraciət məktublarının hazırlanması və AİF-ə göndərilməsi, həmçinin EİS üzərindən elektron formada Fonda müraciət edilməsi;
• İpoteka kağızının elektron tərtib edilməsi, ipoteka kağızının dövlət qeydiyyatının aparılması üçün DƏDRX-ə müraciət edilməsi;
• Yenidən maliyyəşdirmə haqqında AİF tərəfindən razılıq verildiyi təqdirdə ipoteka kağızında indossament məbləğinin qeyd edilməsi və DƏDRX-ə ipoteka kağızının əlavə qeydiyyatı üçün müraciət edilməsi;
• Kredit dosyasına daxil olan sənədlərin əsllərinin AİF-ə təhvil verilməsi ilə bağlı işlər, təhvil-təslim aktlarının, məktubların hazırlanması və sənədlər toplusunun AİF-ə təqdim edilməsi;
• AİF tərəfindən göndərilən vəsaitlərin Bank sistemində uçotunun aparılması, İM və YM üzrə hesablanan faizlərin uçotu;
• AİF ilə hesablaşmaların aparılması;
• Hökümət Ödəniş Portalı (HÖP) ilə aparılan müştəri ödənişlərinin XML faylının Elektron İpoteka Portalından Ocean`a idxal edilməsi;
• AİF  və Bankdaxili hesabatların hazırlanması və  təqdim edilməsi;
• SİF kreditləri üzrə banka portal üzərindən daxil olan müraciətlərin qəbulu, investisiya layihələrinin dəyərləndirilməsi üçün Fonda müraciət;
• SİF tərəfindən təsdiqlənən investisiya layihələri üzrə müştərilərlə bağlanacaq müqavilələrin hazırlanmasına nəzarət;
• Təsdiqlənən layihələr üzrə vəsait ayrılması üçün Fonda müraciət;
• SİF tərəfindən köçürülən vəsaitin Bank sistemində uçotunun aparılması, aylıq əsas məbləğ və hesablanmış faizlərin Fonda köçürülməsi;
• SİF kreditlərinin sistemdə avtorizasiyası, komissiyaların alınması, sığorta və qiymətləndirmə şirkətlərinə ipoteka krediti üzrə haqqların köçürülməsi;
• SİF kreditləri üzrə Fondla hesablaşmalar;
• SİF tərəfindən tələb olunan aylıq, rüblük və yarımillik hesabatların təqdim edilməsi;
• Digər növ kreditlərin sənədlərinin müvafiq normativ aktlara, bankdaxili reqlamentlərə uyğunluğunu, düzgünlüyünü, tamlığını yoxlamaq və kreditlərin təhlükəsiz şəkildə verilməsini təmin etmək;
• Müvafiq təlimatlarla əlaqədar müştəri hesablarının bloklaşdırılması və bu kimi işlərdə müvafiq program təminatında avtorizasiyaların edilməsi;
• Öz işlərinin şöbə və departament müdiri ilə razılaşdırılmış qaydada təşkili və həyata keçirilməsi;
• Gün sonu nəzarətlər və nəticələri barədə birbaşa Rəhbərinə hesabat vermək,
• Rəhbərlik tərəfindən verilən digər tapşırıqların yerinə yetirilməsi

CV-lərinizi Müraciət et düyməsində qeyd olunan elektron poçt ünvanına göndərmənizi xahiş edirik.