İnsan Resursları Departamentinin İşə qəbul üzrə təcrübəçisi

Ödənişlər Biznesinin İşə qəbul komandasına recruitment proseslərinin gündəlik həyata keçirilməsində dəstək göstərəcək, bu sahədə öyrənmək və praktiki təcrübə qazanmaq istəyən İşə qəbul üzrə təcrübəçi axtarırıq.

• Ali təhsil (İnsan Resursları, Menecment, Biznesin idarə edilməsi və ya əlaqəli ixtisaslar arzuolunandır);
• İnsan Resursları və xüsusilə işə qəbul sahəsinə maraq;
• Azərbaycan və ingilis dillərində sərbəst ünsiyyət bacarığı, rus dili biliyi arzuolunandır;
• MS Office proqramları ilə işləmək bacarığı;
• Yüksək kommunikasiya və təşkilatçılıq bacarığı;
• Diqqətli, məsuliyyətli və öyrənməyə açıq olmaq;
• Komandada işləmək bacarığı.

• Vakansiyalara daxil olan CV-lərin ilkin nəzərdən keçirilməsi və uyğun namizədlərin müəyyən edilməsinə dəstək;
• Namizədlərlə əlaqə saxlanılması və müsahibələrin təyin edilməsi;
• Müsahibələrin koordinasiyasının həyata keçirilməsi;
• İşə qəbul prosesi boyunca namizədlərlə kommunikasiyanın aparılması;
• İşə qəbul üçün tələb olunan sənədlərin namizədlərdən toplanması və müvafiq proseslərə dəstək;
• Namizədlər və vakansiyalar üzrə məlumatların müvafiq sistemlərdə yenilənməsi;
• İşə qəbul prosesinin digər mərhələlərində komandaya gündəlik dəstəyin göstərilməsi.

• Real işə qəbul proseslərində praktiki təcrübə;
• Peşəkar inkişaf və öyrənmə imkanları;
• Dinamik və dəstəkləyici iş mühiti.

Bir ekosistemində işləmək texnologiya ilə dəyər yaratmaq, insanlara real fayda vermək və gələcəyin həllərini bu gündən qurmaqdır.

Komandalarımız açıq müzakirələr, sürətli qərarlar və davamlı təkmilləşmə üzərində qurulub. Ofislərimizdə ideyalar yaranır, məhsullar formalaşır, texnologiya isə bu ideyaların reallığa çevrilməsinə xidmət edir.

Bir ekosistemində biz sadə, etibarlı və innovativ həllərlə milyonlarla insanın və minlərlə biznesin gündəlik həyatına toxunuruq. Fintek biznesi (Birbank), Ödənişlər biznesi (m10/MilliÖn) və E-ticarət biznesi (Birmarket) bir araya gələrək ölkənin ilk tam inteqrasiyalı rəqəmsal ekosistemini formalaşdırır.

Komandamızın peşəkarlığı sayəsində təqdim etdiyimiz məhsullar yeni vərdişlər yaradır və ölkədə rəqəmsal mədəniyyətin formalaşmasına töhfə verir.

Burada işləmək geniş fürsətlərə malik Bir ekosistemində böyümək deməkdir. Fərqli sahələr, müxtəlif məhsullar və tükənməyən öyrənmə imkanları potensialınızı üzə çıxarmağa və karyeranızı inkişaf etdirməyə şərait yaradır.