Hüquqşünas (Şirvan)

"Aztelekom" olaraq Azərbaycanın hər nöqtəsində həyatlara toxunur, rəqəmsal gələcəyi inşa edirik. Komandamıza qoşul və bu gələcəyin bir hissəsi ol!

Səni hansı missiya gözləyir?

• Şirkətin fəaliyyətinə hüquqi dəstək vermək və hüquqi təhlillər aparmaq.
• Dövlət orqanlarında şirkəti təmsil etmək, onların sorğularını cavablandırmaq və müvafiq sənədləri hazırlamaq.
• Filialın struktur bölmələrinin fəaliyyəti ilə əlaqədar yarana biləcək hüquqi mübahisələri tənzimləmək, şirkətin mənafelərini məhkəmələrdə, digər dövlət orqanlarında, fiziki və hüquqi şəxslərə qarşı müdafiə etmək.
• Şirkətin tərəf olduğu məhkəmə mübahisələrində iştirak etməklə, verilmiş səlahiyyətlər çərçivəsində onun qanuni maraqlarını müdafiə etmək.
• Rabitə xətləri və avadanlıqlarının mühafizəsi qaydalarının pozulması hallarında təxirəsalınmaz hüquqi tədbirlər görmək, cinayət xarakterli hallarda müvafiq cinayət işlərinin qaldırılmasını və təqib edilməsini təmin etmək, şirkət adından iddialar qaldırmaq və onların lehinə təmininə çalışmaq.
• Rabitə xətt qurğularının zədələnməsinə qarşı görülən hüquqi tədbirləri təhlil etmək, nəticələr barədə rəhbərliyi məlumatlandırmaq və vurulmuş zərərin ödətdirilməsi istiqamətində hüquqi tədbirlər görmək.
• Göstərilən xidmətlər nəticəsində yaranmış və vaxtında icra olunmamış öhdəliklərin yerinə yetirilməsi üçün hüquqi tədbirlər həyata keçirmək.
• Rabitə qaydaları əleyhinə olan inzibati hüquq pozuntularına dair görülmüş işləri təhlil etmək, nəticələr barədə rəhbərliyə arayış hazırlamaq və inzibati xətalar üzrə qərarların icrasını təmin etmək.
• Filialdaxili sənədlərin təkmilləşdirilməsi ilə bağlı təkliflər vermək və daxil olan normativ sənəd və müqavilə layihələrinə hüquqi rəy vermək.
• İdarəetmə orqanlarının qərarlarının icrasına nəzarət etmək.
• İnzibati xəta və cinayət işləri üzrə şirkəti təmsil etmək.
• Birbaşa rəhbərinin verdiyi hüquqi xarakterli digər tapşırıqları icra etmək.

Səndən gözlədiklərimiz:

Ali hüquq təhsili.

Hüquq sahəsində minimum 2 (iki) il iş təcrübəsinə malik olmaq.

Məhkəmə və icra orqanları ilə işləmək təcrübəsinə malik olmaq.

Normativ-hüquqi aktlarla və onların tətbiqi qaydaları ilə işləməyi bacarmaq.

Şirkətdaxili normativ sənədləri və prosedurları tərtib etmək təcrübəsinə malik olmaq.

Korporativ idarəetmə sənədləri ilə işləmək bacarığına malik olmaq.

Yerli və xarici tərəfdaşlarla müqavilələrlə işləmək təcrübəsinə malik olmaq.

Hüquqi xarakterli sənədləri sistemləşdirmək və qeydiyyata alma qaydalarını bilmək.

Hüquqi nitq və yazışma qabiliyyətinə malik olmaq.

Azərbaycan dilini sərbəst bilmək, ingilis və rus dillərini bilmək arzuolunan sayılır.

Microsoft Office proqramlarını sərbəst istifadə etmək bacarığına malik olmaq.