Elektronika Mühəndisi

Deftech Azerbaijan LLC elektronika, radioelektronika və müdafiə təyinatlı texniki sistemlər üzrə işləyə bilən təcrübəli Elektronika Mühəndisi axtarır.

Namizəd elektron plataların, modulların, blokların və prosessor əsaslı sistemlərin diaqnostikası, təmiri, test edilməsi və sazlanması üzrə bilik və praktik bacarıqlara malik olmalıdır. Vakansiya elektron sxemlərlə işləməyi, texniki çertyojları oxumağı, kabel xətlərinin quraşdırılmasını və müxtəlif ölçü cihazları ilə avadanlıqların yoxlanılmasını əhatə edir.

Əsas vəzifələr

• Elektron hissə, modul, blok və prosessor əsaslı sistemlərin diaqnostikası və təmiri;
• Elektron avadanlıqların installyasiyası, quraşdırılması və sazlanması;
• Elektrik, rabitə və yüksək tezlikli kabel xətlərinin quraşdırılması və əlaqələndirilməsi;
• İdarəetmə sistemləri, sensorlar, modullar və elektron nəzarət qurğuları üzrə texniki işlərin icrası;
• Nasazlıqların səbəblərinin təhlili və operativ şəkildə aradan qaldırılması;
• Elektrik sxemləri, funksional sxemlər, texniki çertyojlar və konstruktor sənədləri əsasında işləmək;
• Ölçü cihazları vasitəsilə avadanlıqların test edilməsi, kalibrlənməsi və texniki parametrlərinin yoxlanılması;
• Elektron sistemlərin fasiləsiz və stabil işləməsi üçün profilaktik xidmətlərin həyata keçirilməsi;
• Elektron nəzarət məlumatlarının çıxarılması, emalı və texniki əsaslandırma ilə şərh edilməsi;
• Radiotexniki və radioelektron vasitələrin iş prinsipi, qovşaqları və hissələri üzrə texniki işlərin aparılması;
• Müdafiə təyinatlı mexanizm və sistemlərlə işləmək, onların sistem mühəndisliyi tələblərinə uyğunlaşdırılmasında iştirak etmək;
• Yeni texniki həllərin tətbiqi və proseslərin təkmilləşdirilməsi ilə bağlı təkliflər hazırlamaq;
• Görülən işlər üzrə rəhbərliyə texniki hesabatlar təqdim etmək və audit proseslərində məlumat dəstəyi göstərmək.

Namizədə tələblər

• Elektronika, radioelektronika, avtomatika, elektrik mühəndisliyi və ya yaxın texniki sahə üzrə ali və ya orta ixtisas təhsili;
• Elektron platalar, komponentlər, modullar və idarəetmə sistemləri ilə işləmə bacarığı;
• Elektrik və elektron sxemləri oxumaq və analiz etmək bacarığı;
• Lehimləmə, komponent dəyişimi, nasaz komponentlərin aşkarlanması və təmir bacarığı;
• Multimetr, osiloskop, siqnal generatoru, laboratoriya enerji mənbəyi və digər ölçü cihazları ilə işləmə təcrübəsi;
• Sensorlar, relelər, kontrollerlər, kabelləmə və konnektor sistemləri haqqında praktiki bilik;
• Texniki çertyojlar və konstruktor sənədləri ilə işləmə bacarığı;
• Nasazlığın səbəbini texniki məntiq əsasında analiz etmə və həll yolu təklif etmə qabiliyyəti;
• Məsuliyyətli, diqqətli və texniki təhlükəsizlik qaydalarına riayət edən iş yanaşması.

Üstünlük veriləcək bilik və bacarıqlar

• PCB/plata səviyyəsində diaqnostika və təmir təcrübəsi;
• Radioelektron sistemlər, RF kabellər və yüksək tezlikli xətlərlə işləmə təcrübəsi;
• Mikroprosessor, mikrokontroller və sensor əsaslı sistemlərlə praktiki iş təcrübəsi;
• Müdafiə, UAV, robototexnika, kamera/gimbal, idarəetmə və müşahidə sistemləri ilə işləmə təcrübəsi;(Arzu olunan)
• Altium Designer, KiCad, Proteus və ya oxşar proqramlarda sxem və plata oxuma/tərtib etmə bacarığı; (Arzu olunan)
• Texniki hesabat və diaqnostika aktı hazırlamaq bacarığı.(Arzu olunan)

Şirkət təklif edir

• Müdafiə və yüksək texnologiyalar sahəsində real layihələrdə iştirak imkanı;
• Elektronika, mexanika, proqram təminatı və sistem mühəndisliyi komandaları ilə birgə işləmə mühiti;
• Peşəkar inkişaf və yeni texniki həllərin tətbiqində iştirak imkanı;
• Layihə yönümlü, məsuliyyətli və texniki baxımdan inkişaf etdirici iş şəraiti.