Junior UI/UX Designer / Web Designer

233 baxış

HR sahəsində yeni startap layihəsi üçün başlanğıc səviyyəli UI/UX dizayner axtarırıq.

Layihə artıq hazırlanma mərhələsindədir. Əsas struktur, səhifələrin məntiqi və UX hissəsinin böyük qismi hazırdır. Buna görə dizaynerdən bütün layihəni sıfırdan düşünmək və qurmaq tələb olunmur.

Biz başlanğıc səviyyəli dizayner axtarırıq, buna görə böyük iş təcrübəsi və ya ideal portfolio tələb etmirik. Bizim üçün əsas olan yaxşı vizual zövq, səliqəli işləmək, inkişaf etmək istəyi və Figma ilə işləmək bacarığıdır.

Görüləcək işlər

Hazır səhifə strukturları üzərində işləmək
Figma-da yeni ekranlar hazırlamaq və mövcud dizaynları təkmilləşdirmək
Layihə üzrə vahid vizual üslubu qorumaq
Auto Layout və komponentlərlə işləmək
Hazır tapşırıqlar əsasında yeni səhifə və ekranlar hazırlamaq
UI/UX baxımından daha yaxşı həll gördükdə öz təkliflərini vermək

Kimi axtarırıq?

Junior dizaynerlər, tələbələr və UI/UX sahəsinə yeni başlayanlar müraciət edə bilərlər.

Kommersiya təcrübəsi mütləq deyil.

Bizim üçün vacibdir:

UI/UX haqqında baza biliklərinin olması
Figma ilə işləmək bacarığı
Detallara diqqət və səliqəli işləmək
Veb və məhsul dizaynı sahəsində inkişaf etmək istəyi

Rus dilini yaxşı bilmək böyük üstünlükdür.

Portfolio, Behance, Figma layihələriniz və ya sadəcə bir neçə işiniz varsa, göndərə bilərsiniz. Böyük portfolio yoxdursa, problem deyil.

Şərtlər

Bu bir startap layihəsidir, buna görə hazırkı mərhələdə büdcəmiz məhduddur.

Layihə üzrə ümumi büdcə: 500 AZN

İş bir neçə mərhələyə bölünəcək. Hər mərhələ tamamlandıqdan və təsdiqləndikdən sonra ödəniş həyata keçiriləcək. Hər mərhələnin iş həcmi və ödənişi əvvəlcədən razılaşdırılacaq.

Əgər əməkdaşlığımız uğurlu alınarsa, layihə inkişaf etdikcə gələcəkdə də birlikdə işləmək imkanı olacaq.