Prime Cotton MMC, Azərbaycan iqtisadiyyatının qeyri-neft sektorunda 25 ildən artıq təcrübəyə malik, pambıqçılıq və tekstil sənayesində fəaliyyət göstərən aparıcı şirkətlərdən biridir. Şirkət ölkənin 20 pambıqçılıq rayonunun 15-də pambıq yetişdirilməsi, tədarükü və emalı ilə məşğuldur.

Prime Cotton MMC xam pambıqdan mahlıc, çiyid, lint, uluk və tiftik kimi məhsullar əldə edir. Bu məhsullar Türkiyə, Rusiya, MDB ölkələri, eləcə də Avropa və Asiya bazarlarına ixrac edilir. Şirkətin istehsal etdiyi sarımtil çalarlı ortalifli pambıq mahlıcı keyfiyyəti və fərqliliyi ilə tanınır.

Şirkətin tekstil istehsalı sahəsində əsas müəssisələri bunlardır:

• Bakı Tekstil Filialı – Almaniyanın “RIETER” texnologiyası ilə təchiz olunmuş zavod ildə 7 min ton Open-End iplik istehsal edir.

• Mingəçevir Tekstil Parkı – Qafqazın ən böyük iplik istehsal müəssisəsi, ildə 20 min ton iplik (Ring və Open-End texnologiyaları) istehsal gücünə malikdir.

• Şirvan Yağ Emalı Zavodu – Günlük 350–400 ton çiyid emalı gücü olan zavodda pambıq yağı və jmıx istehsal olunur. Müəssisə Amerika, Almaniya, İtaliya və Türkiyə istehsalı müasir avadanlıqlarla təchiz olunub.

Prime Cotton daim müasir texnologiyalar və beynəlxalq təcrübələrə əsaslanan modernizasiya proqramları həyata keçirir. Şirkət Türkiyə, ABŞ, İsveçrə, Özbəkistan və Ukrayna istehsalı avadanlıqlardan istifadə etməklə məhsuldarlığı və keyfiyyəti artırmağa davam edir.

Prime Cotton MMC istehsal etdiyi bütün məhsullar üçün “Standartlaşdırma, Metrologiya və Patent üzrə Dövlət Komitəsi”ndən Uyğunluq Sertifikatı almışdır. Şirkət müştəri məmnuniyyətini və məhsulların vaxtında çatdırılmasını əsas prinsip kimi qəbul edir.