1996-cı ildən fəaliyyət göstərən AGA Şirkətlər Qrupu, bu gün Azərbaycanın inşaat, maliyyə və kənd təsərrüfatı sektorlarında aparıcı mövqedə olan çoxşaxəli holdinqdir. Qrup ölkədə plaza və biznes mərkəzləri anlayışını inkişaf etdirən əsas şirkətlərdən biri olaraq, qeyri-yaşayış binalarının tikintisi və idarə olunması sahəsində tanınmış brendə çevrilmişdir.

AGA Qrupu hal-hazırda 500-dən çox yerli və beynəlxalq şirkətə, o cümlədən səfirliklərə və kommersiya strukturlarına yüksək səviyyəli xidmət göstərməkdədir. “Plaza” dedikdə Azərbaycanda ilk ağla gələn adlardan biri məhz AGA Qrupun layihələridir.

AGA Qrupu qısa müddətdə maliyyə xidmətləri və aqrar sahədə də ciddi inkişaf nümayiş etdirib. Qrupun tərkibində çalışan peşəkar və təcrübəli maliyyəçilər sayəsində şirkət ölkənin maliyyə sektoru üzrə də öz yerini möhkəmləndirib.

Kənd təsərrüfatı sahəsində isə innovativ aqroparklar, müasir fındıq bağları, və suvarılmayan ərazilərin məhsuldar torpaqlara çevrilməsi kimi layihələr həyata keçirilib. Qrup Azərbaycanın fındıq əkinçiliyi sahəsində ilk aqropark yaradan şirkət olaraq fərqlənir.

Demirçi Ailəsi tərəfindən təsis olunan AGA Qrupu milli maraqları hər zaman şirkət maraqlarından üstün tutmuş, pandemiya dövründə yardım aksiyaları, vətən müharibələrində dəstək və sosial məsuliyyət layihələri ilə cəmiyyətə töhfə vermişdir.