2017-ci ildən dizayn sahəsində fəaliyyət göstərirəm. Bu müddət ərzində həm ölkə daxilində, həm də xaricdə bir çox layihələrə imza atmışam. İşlərim Polşa, Ukrayna, Rusiya və Azərbaycanın müxtəlif şəhərlərində həyata keçirilib. Şuşada “Xarı Bülbül” hotelinin yenidən dizayn olunmasında iştirak etmişəm. Ağdamın Quzanlı bölgəsində Bayraq Meydanının layihələndirilməsi də gördüyüm işlər sırasındadır. İnteryer və eksteryer dizaynla yanaşı, “Automotive Render” və arxitektura animasiyaları üzərində də çalışıram. Məqsədim təkcə vizual baxımdan gözəl layihələr yaratmaq yox, həm də funksionallığı və estetik dəyəri bir araya gətirməkdir