Mən, Rəna Mürşüdlü, Azərbaycan Dövlət Pedaqoji Universitetinin “Azərbaycan dili və ədəbiyyatı müəllimliyi” ixtisası üzrə “SABAH qrupları” məzunuyam. Təhsil müddətində əldə etdiyim nəzəri bilikləri real iş mühitində tətbiq etmək üçün müxtəlif sahələrdə çalışmışam. Repetitorluqdan tutmuş, satış, resepsiyon və ofis mühiti kimi fərqli vəzifələrdə təcrübə qazanmışam. Bu, mənə insanlarla ünsiyyət bacarığı, stressə davamlılıq və məsuliyyətli yanaşma kimi keyfiyyətləri qazandırıb. Yeni biliklərə açıq və öyrənməyə maraqlı biri kimi daim şəxsi inkişafıma önəm verirəm. Tapşırıqları vaxtında və dəqiqliklə yerinə yetirməyə çalışıram. Həm fərdi, həm də komanda ilə işləməyə tam uyğunlaşa bilirəm. Ofis proqramlarında işləmək bacarığım və təşkilatçılıq qabiliyyətim iş prosesini effektiv şəkildə idarə etməyimə kömək edir. Qarşıma qoyduğum məqsədlərə çatmaq üçün çalışqanlıq, dürüstlük və peşəkarlıq prinsipləri ilə hərəkət edirəm. Gələcəkdə təcrübəmi daha da genişləndirərək həm təhsil, həm də idarəetmə sahəsində dəyərli bir mütəxəssis olmaq istəyirəm.