Mən Loğman Əsgərov – iqtisadiyyat üzrə ali təhsilimi yeni başa vurmuş və müxtəlif sahələrdə qazandığım praktik təcrübələrlə özünü inkişaf etdirməyə davam edən bir peşəkaram. Bakı Biznes Universitetində aldığım iqtisadiyyat təhsili, təcrübi yönümlü biliklərim və müxtəlif sektorlarda iştirak etdiyim layihələr məni iqtisadi düşüncə tərzinə sahib, çevik və nəticəyönümlü bir mütəxəssis kimi formalaşdırıb. İş təcrübəm əsasən xidmət və idarəetmə sahələrində formalaşıb – administrator, menecer, mühasib və marketinq üzrə çalışdığım dövrlərdə yalnız idarəetmə deyil, eyni zamanda hesabatların hazırlanması, sənədləşmə və analiz proseslərində də aktiv iştirak etmişəm. Bundan əlavə, könüllü fəaliyyətlərim və iştirak etdiyim təlimlər peşəkar inkişafımı daha da zənginləşdirib. SAT Group-un təşkil etdiyi “Satışa rəhbərlik” və “Marketinq araşdırmaları” kursları, Revisa MMC tərəfindən keçirilən idarəetmədə keyfiyyət mövzulu vebinarlar və Pilus&Minus Academy-dəki mühasibatlıq təlimi nəzəri biliklərimi real bazar ehtiyaclarına uyğunlaşdırmağa yardım edib. Texniki biliklərimə MS Office proqramları, Canva və 1C daxildir. Bu alətlərdən istifadə edərək hesabatlar, təqdimatlar və maliyyə sənədləri hazırlamaq bacarığım formalaşıb. Ünsiyyətcil, məsuliyyətli, öyrənməyə açıq və komanda ilə işləmə bacarığına sahib biri kimi, fəaliyyət göstərdiyim mühitlərdə daim etibarlı əməkdaş olmuşam. Peşəkar məqsədim, iqtisadi və idarəetmə sahəsində analitik və strateji düşüncə tərzimi gücləndirmək, praktik biliklərimi daha da genişləndirmək və gələcəkdə müəssisələrin inkişafına real töhfə verməkdir.