Azərbaycan Dövlət Mədəniyyət və İncəsənət Universitetində "İnteryer Dizaynı" ixtisası üzrə bakalavr təhsili almışam. Təhsil müddətində və sonrasında ixtisasım üzrə praktiki biliklərimi inkişaf etdirmək məqsədilə “Zeynallı MMC” inşaat şirkətində 4 aylıq təcrübə proqramında iştirak etmişəm. Burada layihələrin hazırlanması, texniki çertyojların işlənməsi və müştəri tələblərinə uyğun dizayn həllərinin təqdim olunmasında aktiv rol almışam. Eyni zamanda, “Cosmos Academy” tədris mərkəzində 2 il müddətində interyer dizayn üzrə təlimçi kimi çalışaraq, həm nəzəri, həm də praktiki biliklərimi tədris etmişəm. Bu dövr ərzində tədris planlarının hazırlanması, tələbələrin layihələrinin qiymətləndirilməsi və peşəkar yönləndirilməsi sahəsində təcrübə qazanmışam. Bundan əlavə, freelancer olaraq qrafik dizayn sahəsində də fəaliyyət göstərmişəm. Müxtəlif layihələr üzrə loqo, afişa və sosial media materiallarının hazırlanmasında iştirak etmişəm. Bu, mənə dizaynın həm texniki, həm də vizual ünsiyyət yönlərini daha dərindən mənimsəməyə şərait yaratmışdır. Peşəkar inkişafımı davam etdirmək, yaradıcı və funksional dizayn həlləri təqdim etmək məqsədilə sizin komandanızda çalışmaqda maraqlıyam. Hörmətlə, Güney Pənahlı