Mən Əvəz Şükürovam, informasiya texnologiyaları sahəsində 6 illik təcrübəyə malikəm. Bu dövr ərzində texniki əməkdaş kimi başladığım karyeramı İT üzrə mütəxəssis səviyyəsinə qədər inkişaf etdirmişəm. Son 6 ayda informasiya təhlükəsizliyi sahəsində mütəxəssis kimi fəaliyyət göstərirəm. Burada əsas vəzifələrim təhlükələrin monitorinqi, insidentlərin araşdırılması və qarşısının alınması, siyasətlərin yazılması və təkmilləşdirilməsidir. Təhlükəsizlik sahəsinə keçməzdən öncə müxtəlif İT komandalarında zəngin təcrübə toplamışam. Karyeram ərzində 100-dən artıq filialın açılışında texniki dəstək göstərmiş, POS sistemləri (xüsusilə kassa və tərəzilər) ilə çalışmış, həmçinin Active Directory mühitində istifadəçi idarəçiliyi və struktur dəyişikliyi zamanı sistem administratorlarına dəstək vermişəm. Eyni zamanda, şəbəkə komandasında çalışaraq filialların açılışı mərhələsində switch və router-lərin ilkin konfiqurasiyası və quraşdırılması işlərində iştirak etmişəm. Bu təcrübələr mənə həm texniki biliklərimi genişləndirməyə, həm də təhlükəsizlik sahəsində analitik yanaşma formalaşdırmağa imkan verib.