Elektrik mühəndisi/ Electrical Engineer

Vəzifənin məqsədi:

• Bütün mağaza və müəssisələrdə yüksək gərginlikli, yüksək cərəyanlı və zəif axın sistemləri, o cümlədən generatorlar və mühafizə sistemlərinin quraşdırılması, yoxlanılması, texniki xidməti və təmiri işlərini idarə etməklə elektrik sistemlərinin etibarlı və təhlükəsiz işləməsini təmin etmək. Bu vəzifənin məqsədi həmçinin əməliyyat səmərəliliyini optimallaşdırmaq, xərcləri azaltmaq, layihələrin planlaşdırılmasını və icrasını dəstəkləmək, həmçinin texniki personalın fəaliyyətinə nəzarət edərək davamlı, təhlükəsiz və enerji səmərəli elektrik əməliyyatlarını təmin etməkdir.

Öhdəliklər:

• Mağazalarda olan elektrik sistemlərinin texniki sazlığının təmin olunması, istismar dövründə elektrik sistemlərində yaranan problemlərin aradan qaldırılması.
• Mağazalarda olan yüksək gərginlik və yüksək cərəyan qurğularının və umumi elektrik sistemlərinin illik texniki istismara yararlılığının təmin olunması məqsədi ilə texniki müayinə, sınaq və təmir işlərinin düzgün və operativ həyata keçirilməsinin təşkili.
• Zəyif axın mühafizə sistemlərinin (yanğın xəbərverici və avtomatik yanğın söndürmə sistemləri, oğurluq əleyhinə mühafizə sistemləri) texniki sazlığının təmin edilməsi və istismar müddətlərində daimi yararlılığının təmin edilməsi üçün servis xidmətlərinin təmin olunması və işinə nəzarət.
• Generatorların istismar dövründə servis baxımlarının təşkili və nəzarəti.
• Quraşdırma, təftiş, təmir işlərinə, nasazlığın aradan qaldırılmasına və binaların, infrastrukturların və müəssisə avadanlıqlarının gündəlik texniki baxışına nəzarət etmək;
• Əməliyyat və istismar xərclərinin azaldılması, istismar müddəti və kapital dəyişdirilməsi xərcləri və enerji istehlakının məhdudlaşdırılması üçün layihənin təhlili proseslərində iştirak etmək;
• Texniki baxış üzrə məsul əməkdaşların işini planlaşdırmaq, prioritetləşdirmək, təyin etmək, onlara nəzarət etmək və yoxlamaq, eləcə də bu əməliyyatlarda iştirak etmək;
• Layihələrin ilkin-əməliyyatlar və əməliyyatlar mərhələlərində, o cümlədən elektrik sisteminin seçilməsində fəal iştirak etmək;
• Tələb edildiyi halda layihənin bütün mərhələlərində elektrik sistemləri üzrə sənədlərə rəy vermək, təhlillər aparmaq, büdcə və xərclərinin optimallaşdırılması üçün təkliflər vermək;

Tələblər:

• Təhsil: Ali texniki təhsil (elektrik mühəndisliyi, elektroenergetika və ya əlaqədar sahə üzrə).
• İş təcrübəsi: Elektrik mühəndisi vəzifəsində minimum 3–5 il iş təcrübəsi.
• Elektrik sistemlərinin quruluşu, texniki istismarı və təmiri sahəsində dərin biliklər;
• Yüksək gərginlik və yüksək cərəyan qurğularının istismarı üzrə praktiki bacarıqlar;
• Zəif axın sistemləri (yanğın siqnalizasiya, avtomatik yanğınsöndürmə, oğurluq əleyhinə mühafizə və s.) üzrə bilik və təcrübə;
• Generatorların istismar və servis xidmətlərinin təşkili;
• Elektrik layihələndirmə, təhlil və texniki sənədlərin oxunması və ekspertizası bacarığı.

Bacarıqlar:

• Texniki problemlərin operativ həlli, nasazlıqların diaqnostikası və aradan qaldırılması;
• Texniki baxış və profilaktik işlərin planlaşdırılması və təşkili;
• Layihələrin elektrik hissəsinin seçimi və təhlilində iştirak etmək, optimallaşdırma təklifləri vermək;
• Komandada işləmə, işçilərin fəaliyyətinə nəzarət və işin prioritetləşdirilməsi bacarığı.
• Kompyuter bacarıqları: MS Office proqramları, AutoCAD və elektrik sahəsi üzrə müvafiq proqram təminatlarından istifadə bacarığı.
• Dil bilikləri: Azərbaycan dili səlis, rus və/və ya ingilis dili biliyi üstünlükdür.
• Məsuliyyətli, dəqiq və intizamlı;
• Analitik düşünmə və qərarvermə qabiliyyəti;
• Təzyiq altında işləmə və operativ qərar vermə bacarığı.

Qeyd: Maraqlanan namizədlər CV-lərini Müraciət Et düyməsində göstərilən elektron poçt ünvanına göndərərək, e-mail mövzusunda " Elektrik mühəndisi" qeyd etməlidirlər. Qeyd edək ki, yalnız seçilmiş namizədlərlə növbəti işə qəbul mərhələsi üçün əlaqə saxlanılacaq.